Bakı. Trend:
"Qarabağ" xalqın komandasıdır.
Trend-in məlumatına görə, bunu Kopenhagen səfərindən qayıdan "Qarabağ"ın kapitanı Rəşad Sadıqov deyib.
R.Sadıqov qeyd edib: "Qarabağ” təkcə bizim yox, xalqın komandasıdır. Hansı komandanı təmsil etdiyimizi bilirik. Son damla qanımıza qədər mübarizə apardıq ki, arzumuza çataq".
Qeyd edək ki, ötən gün "Qarabağ" səfərdə "Kopenhagen" komandasına 2:1 hesabı ilə məğlub olsa da, Bakıda ilk oyunda qazanılmış minimal qələbə sayəsində Azərbaycan futbolu tarixində ilk dəfə Çempionlar Liqasının qrup mərhələsinə vəsiqə qazanıb.