Bakı. Trend:
Rusiyada keçirilən futbol üzrə Dünya Çempionatının ilk yarımfınal oyunu keçirilib.
Trend-in məlumatına görə, Sankt-Peterburqda Fransa və Belçika komandaları arasında keçirilən oyunda fransızlar sevinib. Oyun minimal hesabla bitib – 1:0.
Matçın yeganə qolunu 51-ci dəqiqədə yarımmüdafiəçi Umtiti vurub.
Beləliklə, mundialın ilk finalçısı Fransa yığmasıdır. Onun rəqibə sabah Xorvatiya-İngiltərə oyununda qalib gələcək komanda olacaq.