Bakı. Trend:
Futbol üzrə Fransa kubokunun final oyununda "Pari San-Jermen"lə "Sent-Etyen" komandaları qarşılaşıblar.
Trend-in məlumatına görə, oyun "Stad de Frans"da keçirilib və 1:0 PSJ-nin qələbəsi ilə sona çatıb.
Yeganə qolu Neymar 14-cü dəqiqədə vurub. Matçın 31-ci dəqiqəsində "Sent-Etyen"in qapıçısı Loik Perren PSJ-nin forvardı Kilian Mbappeyə qarşı qaydanı pozduğuna görə qırmızı vərəqə alıb.
Beləliklə, PSJ 13-cü dəfədir ki Fransa kubokunu qazanır.
Xatırladaq ki, yeni ölkə çempionatı avqustun 22-də başlanacaq.