Bakı. Trend:
"Azİz" İsrail-Azərbaycan beynəlxalq assosiasiyasının üzvləri Təl-Əvivdə keçirilən bədii gimnastika üzrə Avropa çempionatında Azərbaycan gimnastlarını fəal dəstəkləyir.
Trend-in məlumatına görə, assosiasiya üzvləri tribunalarda Azərbaycan bayraqlarını dalğalandırır.
Qeyd edək ki, Azərbaycanı turnirdə böyüklər yaş qrupunda fərdi proqramda Zöhrə Ağamirova və Arzu Cəlilova, gənclər yaş qrupunda Alina Məmmədova, Kamilla Qafarova və Mədinə Dəmirova təmsil edir.
Yarışların ilk günündə gənclər arasında təsnifatda Alina Məmmədova topla hərəkətlərdə, Kamilla Qafarova halqa və gürzlərlə hərəkətlərdə, Mədinə Dəmirova lentlə hərəkətlərdə finala vəsiqə qazanıb.
(Tərcümə: Orxan Nəbiyev)
