Konya.Trend:
V İslam Həmrəyliyi Oyunlarında Azərbaycanın 3x3 basketbol komandası Malini məğlub edib.
Trend-in şənbə günü verdiyi məlumata görə, Mali millisinə 18:15 hesabı ilə qalib gələn Azərbaycan komandası basketbol üzrə qrup mərhələsinə yüksəlib.
Bu gün saat 21:00-da Azərbaycan yığması Türkiyə yığması ilə qarşılaşacaq.
Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Yarışlar avqustun 18-dək davam edəcək.
İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir. Yarışlar Konya şəhərinin 14 yerində keçirilir. Onların nəticələrinə görə, idmançılar 355 medalla təltif olunacaqlar.