Bakı. Trend:
İspaniyanın "Real Madrid" futbol klubu UEFA Çempionlar Liqasının 1/4 final mərhələsinin cavab oyununda İngiltərənin "Çelsi" komandasını səfərdə 2:0 hesabı ilə məğlub edib.
Trend-in məlumatına görə, görüş Londonda "Stemford Bric" stadionunda keçirilib.
Qalib komandanın heyətində Rodriqo iki qol vurub (58, 80-ci dəqiqə). Komandaların Madriddəki ilk görüşü də "Real Madrid"in 2:0 hesablı qələbəsi ilə yekunlaşıb. "Real Madrid" yarımfinalda "Mançester Siti" (İngiltərə) - "Bavariya" (Almaniya) qarşılaşmasının qalibi ilə oynuyacaq.