Bakı. Trend:
UEFA Çempionlar Liqasının birinci təsnifat mərhələsi çərçivəsində keçiriləcək “Linkoln” (Cəbəllütariq) – “Qarabağ” oyununun hakimləri açıqlanıb.
Trend-in məlumatına görə, matç Latviyadan olan hakimlər briqadasına tapşırılıb.
Oyunun baş hakimi Vitalijs Spasjonnikovs olacaq. Ona Raymonds Tatriks və Arturs Sakurovs köməklik göstərəcək. Dördüncü hakim funksiyasını Aleksandrs Anufrijevs yerinə yetirəcək.
“Linkoln” – “Qarabağ” oyunu iyulun 11-də Cəbəllütariqdəki “Viktoriya” stadionunda keçiriləcək.