Bakı. Trend:
İspaniyanın “Real Madrid” futbol klubunun ingilis yarımmüdafiəçisi Jude Bellinqhem Avropanın 21 yaşa qədər ən yaxşı oyunçusuna verilən illik “Qızıl oğlan” mükafatının qalibi olub.
Trend-in məlumatına görə, bu barədə mükafatın təşkilat komitəsi məlumat yayıb.
Bellinqhemin 20 yaşı var və 2023-cü ilin yayında “Real Madrid”ə keçib. Komandanın tərkibində müxtəlif turnirlərdə 14 oyun keçirən futbolçu 13 qol vurub və 3 məhsuldar ötürmə edib. İngilis futbolçu ötən mövsümü "Borussiya Dortmund"da keçirib, onun heyətində 42 matçda iştirak edib, 14 qol vurub və 7 məhsuldar ötürmə verib.