Bakı. Trend:
Paris-2024 Yay Olimpiya Oyunlarında boksçuların mübarizəsi davam edir.
Trend İdman.biz-ə istinadən xəbər verir ki, bu gün Azərbaycan millisinin daha bir təmsilçisi rinqə çıxacaq.
80 kq çəkidə mübarizə aparan Murad Allahverdiyev 1/4 final döyüşündə qüvvəsini sınayacaq. O, Nurbek Oralbay (Qazaxıstan) ilə üz-üzə gələcək.
Görüş Bakı vaxtı ilə saat 19:22-də başlayacaq. Murad qalib gəlsə, yarımfinala vəsiqə ilə mükafatlardan birini təmin edəcək.
Qeyd edək ki, Azərbaycan boks yığması 5 idmançı ilə yollandığı Paris-2024-də ilk medalını dünən təmin edib. Alfonso Dominqes (92 kq) yarımfinala vəsiqə qazanıb.