Bakı. Trend:
Bu gün Azərbaycan Premyer Liqasında VII tura start veriləcək.
Trend İdman.biz-ə istinadən xəbər verir ki, ilk oyun günündə 2 matç baş tutacaq.
"Kəpəz" öz meydanında "Şamaxı"nı qəbul edəcək. 5 oyundan sonra xal qazana bilməyən Gəncə təmsilçisi uğursuz seriyaya son qoymağa çalışacaq.
Turun əsas görüşündə isə ölkənin ən titullu klubları qarşılaşacaq. Çempion öz meydanında "Neftçi" ilə münasibətlərə aydınlıq gətirəcək. Qələbə üzünə həsrət qalan qonaqlar güclü rəqiblə görüşdə azarkeşlərini sevindirməyə çalışacaqlar.