Bakı. Trend:
"Yuventus" klubu ilə müqaviləsi xitam verilən və dopinq cəzası ləğv edilən Pol Poqba ilə bağlı gözlənilməz transfer iddiası ortaya çıxıb.
Trend xəbər verir ki, Braziliyanın "Korintians" klubu fransalı ulduz futbolçunu heyətinə cəlb etmək niyyətindədir. Bu barədə "UOL" nəşri məlumat yayıb.
Ötən mövsüm Braziliya liqasını 7-ci yerdə başa vuran "Korintians"ın Poqbaya etdiyi təklifin ulduz futbolçu tərəfindən müsbət qarşılandığı qeyd olunur.
Lakin keçidin reallaşmasına əsas maneə kimi Poqbanın yüksək maaşı göstərilir. Bildirilir ki, Braziliya təmsilçisi maliyyə mənbələri axtarışlarına artıq başlayıb.