Bakı. Trend:
Kanadanın gələcək baş naziri Mühafizəkarlar partiyasının 45 yaşlı lideri Pyer Pualyevr ola bilər.
Trend xəbər verir ki, bu barədə BBC məlumat yayıb.
Bir müddət əvvəl ölkənin baş naziri Castin Trüdo istefa verməyi planlaşdırdığını mətbuata açıqlayıb.
Pualyevr 1979-cu ildə Kanadanın Kalyari şəhərində anadan olub. Onun bioloji anası 16 yaşlı məktəbli olub və oğlunu dünyaya gətirdikdən sonra ondan imtina edib. Pualyevri sonradan frank-saskaçevan əsilli müəllim cütlüyü övladlığa götürüb. Onun bioloji atasının isə irland əsilli olduğu deyilir.
Pualyevr 2004-cü ildə Kanada parlamentində Mühafizəkar partiyanı təmsil edir. 2022-ci ildə isə qeyd olunan partiyanın sədri və ölkənin müxalifət liderinə çevrilib.
BBC-nin yazdığına görə, o hələ 20 yaşında olanda Kanada üçün “yol-xəritəsi” hazırlayıb. O baş nazir olacağı təqdirdə, əsas prioritetlərindən birinin ölkədə vergi məbləğlərini aşağı salmaq olacağını bildirib.