Bakı. Trend:
İspaniya Superkubokunun final mərhələsinin iştirakçıları müəyyənləşib.
Trend xəbər verir ki, Səudiyyə Ərəbistanında keçirilən turnirin finalında əzəli rəqiblər "Barselona" və "Real" qarşılaşacaq.
Madrid klubu yarımfinalda "Malyorka" üzərində inamlı qələbə qazanıb. Karlo Ançelottinin yetirmələri fasilədən sonra üç qol vuraraq üstünlüyü təmin edib.
Digər yarımfinal oyununda "Barselona" "Atletik"i məğlub edərək finala yüksəlib.
Həlledici oyun yanvarın 12-də baş tutacaq.