Bakı. Trend:
"Milan"ın yarımmüdafiəçisi Aleksis Salemakerslə yeni müqavilə imzalayıb.
Trend xarici KİV-ə istinadən xəbər verir ki, bu barədə insayder Fabritsio Romano məlumat yayıb.
26 yaşlı futbolçu ilə müqavilə 2030-cu ilin yayına qədər nəzərdə tutulub. Bildirilib ki, belçikalı oyunçu mövsümdə 3,5 milyon avro maaş alacaq.
Xatırladaq ki, Salemakers 2020-ci ildən bəri Milanda oynayır. Yarımmüdafiəçi bu mövsüm bütün turnirlərdə 18 matç keçirib, 2 qol vurub və 4 məhsuldar ötürmə verib.