...

"Azərsun Holdinq"in 25 illiyi qeyd edilib (FOTO)

İqtisadiyyat Materials 20 Dekabr 2016 13:47 (UTC +04:00)
“Azərsun Holdinq”in fəaliyyətə başlamasının 25 ili tamam olub.
"Azərsun Holdinq"in 25 illiyi qeyd edilib  (FOTO)

Bakı. Trend:

Ölkəmizin aparıcı şirkətlərindən olan “Azərsun Holdinq”in fəaliyyətə başlamasının 25 ili tamam olub. Azərbaycanın müstəqillik qazandığı ildə fəaliyyətə başlayan “Azərsun” ölkəmizdə ərzaq təhlükəsizliyinin təmin edilməsi, qida sənayesinin daha da inkişaf etdirilməsinə mühüm töhfələr verib. Milli markalarımızın yaradılması və bütün dünyada tanıdılması məqsədi ilə Bakıda tədbir keçirilib.

Bu barədə Trend-ə şirkətdən məlumat verilib.

Dövlət rəsmilərinin, ictimai xadimlərin və xarici qonaqların qatıldığı tədbirdə geridə qoyulan illər ərzində reallaşdırılan layihələr və gələcək planlar barədə məlumat verilib. Eyni zamanda tədbirdə Rusiya Federasiyasının kənd təsərrüfatı naziri Aleksandr Nikolayeviç Tkaçov, Krasnodar vilayətinin qubernatoru Veniamin İvanoviç Kondratyev adından “Azərsun Holdinq”in 25 illik yubileyi ilə bağlı təbrik məktubları səsləndirilib və şirkətin Müşahidə Şurasının sədri Abdolbari Goozala təşəkkürnamələr təqdim edilib.

Tədbirdə iştirak edən Beloreçensk rayonunun bələdiyyə rəhbəri İvan İvanoviç İmqrunt isə çıxış edərək Abdolbari Goozala Rusiyada göstərdiyi uğurlu fəaliyyətə, yaradılan yeni istehsal müəssisələrinə görə minnətdarlığını bildirərək, hədiyyələr təqdim edib.

Bununla yanaşı tədbirdə 50-dən çox 20 il şirkətdə fəaliyyət göstərən əməkdaşlar, 100-ə yaxın 15 ildən artıq çalışan əməkdaşlar və 500 nəfərdən çox 10 il və ondan artıq çalışan əməkdaşlara təşəkkürnamə plaketlərini müşahidə şurasının sədri Abdolbari Goozal təqdim edərək onlarla xatirə şəkili çəkdirib.

Qeyd edək ki, 15 minə yaxın insanın çalışdığı “Azərsun Holdinq” tərəfindən istehsal olunan məhsullar artıq dünyanın 40-a yaxın ölkəsinə ixrac edilir.

Məqalədə:
Xəbər lenti

Xəbər lenti