Bakı. Maksim Tsurkov - Trend:
Türkmənistan Dəniz Ticarət Donanmasına məxsus “Berkarar” gəmisi “Zığ” Gəmi Təmiri və Tikinitisi Zavodunda təmirə dayanıb.
“Azərbaycan Xəzər Dəniz Gəmiçiliyi” QSC-dən (AXDG) Trend-ə verilən məlumata görə, zavodda gəminin sualtı və suüstü hissələrinin təmizlənməsi və üçqat boya ilə rənglənməsi həyata keçirilir. Eyni zamanda, hər iki baş mühərrik, dizel generatorlar, 6 nasos təmir olunur.
“Berkarar” gəmisinin boru və elektrik sistemlərində də təmir işləri görülür.
Xatırladaq ki, “Azərbaycan Xəzər Dəniz Gəmiçiliyi”nin “Zığ” Gəmi Təmiri və Tikintisi Zavodunun əsas fəaliyyət istiqaməti AXDG-yə və başqa təşkilatlara məxsus gəmiləri və texniki avadanlıqları təmir etməkdən və onlar üçün sifarişlər əsasında müxtəlif növ ehtiyat hissələri, texniki vasitələr hazırlamaqdan ibarətdir.