Bakı. Trend:
Azərbaycanın sığorta bazarının liderlərindən biri olan “Atəşgah” Sığorta Şirkəti 2017-ci ilin son altı ayı ərzində səfər sığortası üzrə ödənişlərini açıqlayıb.
Şirkətdən Trend-ə verilən məlumata görə, “Atəşgah” tərəfindən 2017-ci ilin iyul-dekabr ayları üzrə ödənilmiş səyahət sığortasının ümumi məbləği 36.287 AZN təşkil edib.
2017-ci ilin son altı ayı ərzində “Atəşgah” SŞ tərəfindən ödənilən ən yüksək məbləğli səfər sığortası 12.717 AZN olub. Həmin ilin avqust ayında Türkiyə Respublikasında səfərdə olan, sığorta olunan şəxs səhhətində yaranan şikayətlər səbəbindən stasionar müalicə olunub, lakin tibbi xidmətlərə baxmayaraq vəfat edib. Sığorta olunanın müalicə və cənazəsinin Azərbaycana gətirilməsi üzrə bütün xərclər şirkət tərəfindən qarşılanıb.
Xatırladaq ki, artıq “Atəşgah” SŞ–dən səfər sığortasını daha tez və asan - www.ateshgah.com saytı vasitəsilə onlayn əldə etmək mümkündür.
Yüksək etibarlılıq imicinə sahib olan “Atəşgah” SŞ 1996-ci ildə yaranıb. 2003-cü ildə Azərbaycan sığorta şirkətləri arasında ilk olaraq İSO 9001:2000 beynəlxalq standartı üzrə idarəetmə sistemində keyfiyyətə nəzarət üzrə sertifikat almışdır. Şirkət 2014-cü ildən İcbari Sığorta Bürosunun üzvüdür.