“Azərbaycan Dəmir Yolları” iki yeni “Stadler” qatarı satın alacaq

Bakı. Kəmalə Məmmədli - Trend:

Bu ilin sonunadək “Azərbaycan Dəmir Yolları” QSC iki yeni “Stadler qatarı satın alacaq.

Trend-in məlumatına görə, bunu “Azərbaycan Dəmir Yolları” QSC-nin sədri Cavid Qurbanov deyib.

Onun sözlərinə görə, İsveçrə istehsalı olan yeni qatarların vaqonları Rusiya istehsalı olan əvvəlki vaqonlardan keyfiyyətli səs izolyasiyası və təkər səsini udan qurğuların olması ilə fərqlənir. Ümumilikdə onların sayı 40-a çatır:

“Bu qatarlar yüksək sürət xarakteristikası, eləcə də keyfiyyət göstəriciləri ilə fərqlənir”.