Bakı. Trend:
Emal sənayesində 2022-ci ilin yanvar-avqust aylarında 11584,2 milyon manatlıq məhsul istehsal olunub və sənaye xarakterli xidmətlər göstərilib.
Bu barədə Trend-ə Dövlət Statistika Komitəsindən məlumat verilib.
Əvvəlki ilin müvafiq dövrü ilə müqayisədə qida məhsullarının
istehsalında 13,2 faiz, tütün məmulatlarının istehsalında 2,4 faiz
artım, içki istehsalında isə 6,1 faiz azalma
müşahidə olunub.
Bu sahələrin əsas məhsullarından marqarin istehsalı 24,7 faiz, kərə yağının istehsalı isə 0,3 faiz, duru bitki yağlarının istehsalı 0,1 faiz artıb.