Bakı. Trend:
Bu ilin yanvar-sentyabr aylarında Azərbaycanda ictimai iaşə dövriyyəsi 2022-ci ilin eyni dövrü ilə müqayisədə real ifadədə 21,2 % artaraq 1 milyard 484,3 milyon manat olub.
Trend bu barədə Dövlət Statistika Komitəsinə istinadən xəbər verir.
Məlumata görə, ictimai iaşə dövriyyəsinin 13 milyon 539,5 min manatı dövlət, 1 milyard 470,7 milyon manatı isə qeyri-dövlət sektorunun payına düşüb.
Hesabat dövrünə özəl sektorda ictimai iaşə dövriyyəsinin 50,5 %-i hüquqi şəxslərin, 49,5 %-i isə bu sahədə sahibkarlıq fəaliyyəti ilə məşğul olan fiziki şəxslərin payına düşür.
Hüquqi şəxslər üzrə dövriyyə il ərzində 22,5 % artaraq 742,3 milyon manat olub.