Bakı. Trend:
Bu gün "Azərbaycan Beynəlxalq Sığorta Forumu - 2024"ə start verildi.
ASA-dan Trend-ə verilən məlumata görə, Azərbaycan Respublikasının Mərkəzi Bankı və İcbari Sığorta Bürosunun strateji dəstəyi, Azərbaycan Sığortaçılar Assosiasiyası ilə beynəlxalq "Xprimm" şirkətinin təşkilatçılığı ilə keçirilən "Azərbaycan Beynəlxalq Sığorta Forumu - 2024"-də Mərkəzi Bankın sədri Taleh Kazımovun, Kənd təsərrüfatı naziri Məcnun Məmmədovun, İcbari Tibbi Sığorta üzrə Dövlət Agentliyinin sədri Zaur Əliyevin və digər dövlət rəsmilərinin açılış nitqləri nəzərdə tutulub.
İki gün davam edəcək Forumda avtonəqliyyat və sağlamlıq sığortaları, habelə iqlim risklərinin idarə edilməsində sığortanın rolu kimi lokal və qlobal sığorta bazarları üçün aktual olan mövzular ətrafında panel müzakirələri aparılacaq.
Azərbaycan Beynəlxalq Sığorta Forumu-2024-ün (AIIF-2024) açılış mərasimində Azərbaycan Mərkəzi Bankının (AMB) sədri Taleh Kazımov deyib ki, Azərbaycanın sığorta sektorunun aktivləri son üç ildə 34 faiz artıb.
“Hazırda Azərbaycan yeni inkişaf mərhələsinə qədəm qoyur və bu, dövləti gücləndirmək üçün islahatlar həyata keçirilir. İnfrastruktur dəyişir, ilk növbədə qeyd etmək istərdim ki, son üç ildə aktivlər 34 faiz, kapital isə 7 faizdən çox artıb. ," dedi.
Onun sözlərinə görə, ümumilikdə sığorta bazarının həcmi 1,5%-dən çox artıb:
“Qeyd etmək vacibdir ki, beynəlxalq qanunvericiliyə və sığorta bazarının təmin edilməsi prinsiplərinə uyğun olaraq, təkrarsığortanın və sığortanın təmin edilməsi üçün ehtiyatların formalaşdırılması və institutların gücləndirilməsi istiqamətində əhalinin maarifləndirilməsi üçün yeni üsullar tətbiq edilib sığorta xidmətləri və icbari sığorta mexanizminin təkmilləşdirilməsi də həyat sığortası mexanizminin müxtəlif variantlarına çıxış təmin edilir”.
Forumda çıxışı zamanı kənd təsərrüfatı naziri Məcnun Məmmədov isə əlavə edib ki, yaxın gələcəkdə Azərbaycan kənd təsərrüfatı sığortasının əhatə dairəsini genişləndirməyi və iqlim dəyişikliyinin kənd təsərrüfatı sektoruna təsirini minimuma endirmək üçün daha innovativ sığorta məhsullarını tətbiq etməyi planlaşdırır.
"Kənd təsərrüfatı sığortası sahəsində hədəflərimiz genişdir. Yaxın gələcəkdə kənd təsərrüfatı sığortasının əhatə dairəsinin genişləndirilməsi və iqlim dəyişikliyinin kənd təsərrüfatı sektoruna təsirini minimuma endirmək üçün daha innovativ sığorta məhsullarının tətbiqi nəzərdə tutulur. Onu da vurğulamaq istərdim ki, ölkəmizdə tətbiq olunan uğurlu sığorta modeli müxtəlif dövlətləri maraqlandırır. Buna misal olaraq qardaş Özbəkistanla bu istiqamətdə əməkdaşlığı göstərmək olar", o vurğulayıb.
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Azərbaycan Beynəlxalq Sığorta Forumu-2024-ün (AIIF-2024) açılış mərasimində çıxışı zamanı qeyd edib ki, Azərbaycanda icbari tibbi sığorta sisteminin tətbiqində məqsəd universal və dayanıqlı tibbi sığortanın təmin edilməsidir.
"Bu cür sığorta effektiv tibbi xidmətlərinin göstərilməsinə zəmanət verir və səhiyyənin maliyyələşdirilməsini yaxşılaşdırır.
Dayanıqlı İnkişaf Məqsədlərinin tərkib hissəsi kimi BMT-nin “heç kəsi geridə qoymamaq” prinsipini nəzərə alaraq, icbari tibbi sığorta sistemi əhalinin əsas sağlamlıq ehtiyaclarını ödəmək üçün nəzərdə tutulub. Məqsədimiz hər kəsin maddi çətinlik çəkmədən keyfiyyətli tibbi xidmətlə təmin edilməsi üçün universal tibbi əhatəyə nail olmaqdır. Qeyd edim ki, ölkəmizdə icbari tibbi sığortanın tətbiqi sayəsində uşaqdan böyüyə hər kəs bu sistemlə əhatə olunub və sığortanın əhatə etdiyi 3300-dən çox tibbi xidmətdən pulsuz istifadə etmək hüququ qazanıb", - Zaur Əliyev əlavə edib.
Şimali Avropa ölkələri və MDB üzrə baş müştəri anderrayteri, Swiss Re Europe şirkətinin (Almaniya) təkrarsığorta üzrə vitse-prezidenti Gepa Yansen-Klaus Azərbaycan Beynəlxalq Sığorta çərçivəsində “İqlim dəyişikliyinin təsiri altında sığorta” adlı panel müzakirəsi zamanı deyib ki, təkrar sığorta maliyyə risklərini minimuma endirməklə və sığorta bazarının sabitliyinə töhfə verməklə Azərbaycanın dayanıqlılığını əhəmiyyətli dərəcədə artıra bilər.
"Təkrar sığorta maliyyə risklərini minimuma endirməklə və sığorta bazarının sabitliyinə töhfə verməklə Azərbaycanın dayanıqlılığını əhəmiyyətli dərəcədə artıra bilər. Bu, təkcə ölkə iqtisadiyyatını gücləndirmir, həm də infrastruktur layihələri və biznes üçün əlavə qorunma təmin edir. İlk növbədə təkrarsığortaçılar gözlənilən və faktiki itkilər arasındakı fərqi azaltmaq üçün bu sahədə öz bacarıqlarını artırmalıdırlar. İkincisi, təbii fəlakətlərdən sığorta üzrə tariflər bütün mümkün riskləri adekvat şəkildə əks etdirməlidir. Bu, sığorta bazarının sabitliyini qorumaq üçün lazımdır", - o vurğulayıb.
Forum öz işini sabah davam etdirəcək.
