...

Qətərdən Azərbaycana pul köçürmələrinin həcmi 60%-ə yaxın artıb

İqtisadiyyat Materials 27 Mart 2025 15:16 (UTC +04:00)
Qətərdən Azərbaycana pul köçürmələrinin həcmi 60%-ə yaxın artıb
Əvəz Həsənov
Əvəz Həsənov
Bütün xəbərlər

Bakı. Trend:

Ötən il Qətərdən Azərbaycana fiziki şəxslərin pul köçürmələrinin həcmi 12,5 milyon ABŞ dolları olub.

Trend bu barədə Azərbaycan Mərkəzi Bankından məlumat əldə edib.

Məlumata görə, bu göstərici 2023-cü illə müqayisədə 4,7 milyon ABŞ dolları və ya 59,6% çoxdur.

Hesabat ilində ölkəyə ümumi pul köçürmələrində Qətərin payı 1,2% təşkil edib.

Qeyd edək ki, 2023-cü ildə Qətərdən Azərbaycana fiziki şəxslərin pul köçürmələrinin həcmi 7,8 milyon ABŞ dolları idi.

Ümumilikdə, 2024-cü ildə Azərbaycandan xarici ölkələrə fiziki şəxslərin həyata keçirdikləri pul köçürmələrinin həcmi 526,8 milyon ABŞ dolları təşkil edib. Bu isə 2023-cü ildəki göstərici ilə müqayisədə 23,4 milyon ABŞ dolları və ya 4,2% azdır.

Eyni zamanda, hesabat ilində xarici ölkələrdən Azərbaycana fiziki şəxslərin pul köçürmələrinin həcmi 1,08 milyard ABŞ dolları təşkil edib ki, bu da 2023-cü ildəki göstərici ilə müqayisədə 571,9 milyon ABŞ dolları və ya 34,6% azdır.

Məqalədə:
Xəbər lenti

Xəbər lenti