Bakı. Trend:
Cari ilin yanvar-aprel aylarında Azərbaycanda 16,4 min ton marqarin istehsal edilib.
Trend bu barədə Dövlət Statistika Komitəsindən məlumat əldə edib.
Məlumata görə, bu göstərici ötən ilin eyni dövrü ilə müqayisədə 478 ton və ya 3% çoxdur. Belə ki, ötən ilin ilk 4 ayında Azərbaycanda 15,9 min ton marqarin istehsal edilmişdi.
Hesabat dövründə ölkədə 8,7 min ton kərə yağı istehsal edilib ki, bu da, illik müqayisədə 223 ton, yaxud da 2,5% azdır
Ötən ilin eyni dövründə istehsal edilmiş kərə yağının miqdarı 8,9 min ton idi.
Qeyd edək ki, bəhs olunan dövrdə ölkədə 1,778 milyard manatlıq qida məhsulları istehsal edilib.