Bakı. Trend:
Bu ilin birinci rübündə Azərbaycandan Fransaya fiziki şəxslərin pul köçürmələrinin həcmi 1,214 milyon ABŞ dolları təşkil edib.
Trend-in Azərbaycan Mərkəzi Bankından əldə etdiyi məlumata görə, bu göstərici 2024-cü ilin eyni dövrü ilə müqayisədə 313 min ABŞ dolları və ya 20,5% azdır.
Hesabat dövründə Azərbaycandan xaricə ümumi pul köçürmələrində Fransanın payı 1,1% təşkil edib.
Həmçinin cari ilin ilk rübündə Fransadan Azərbaycana fiziki şəxslərin pul köçürmələrinin həcmi 5,755 milyon ABŞ dolları olub ki, bu da 2024-cü ilin ilk rübündəki göstərici ilə müqayisədə 4,328 milyon ABŞ dolları və ya 4 dəfə artım deməkdir.
Hesabat dövründə xarocdən Azərbaycana ümumi pul köçürmələrində Fransanın payı 2,5% təşkil edib.
2024-cü ilin birinci rübündə Azərbaycandan Fransaya fiziki şəxslərin pul köçürmələrinin həcmi 1,527 milyon ABŞ dolları, əks istiqamətdə isə 1,427 milyon ABŞ dolları təşkil edib.
Ümumilikdə, 2025-ci ilin ilk rübündə Azərbaycandan xarici ölkələrə fiziki şəxslərin həyata keçirdikləri pul köçürmələrinin həcmi 112,674 milyon ABŞ dolları təşkil edib. Bu isə 2024-cü ilin eyni dövründəki göstərici ilə müqayisədə 18,811 milyon ABŞ dolları və ya 14,3% azdır.
Eyni zamanda hesabat dövründə xarici ölkələrdən Azərbaycana fiziki şəxslərin pul köçürmələrinin həcmi 229,494 milyon ABŞ dolları təşkil edib ki, bu da 2024-cü ilin ilk rübündəki göstərici ilə müqayisədə 64,926 milyon ABŞ dolları və ya 22,1% azdır.
Bundan əlavə, Azərbaycan 2025-ci ilin ilk rübündə Fransa iqtisadiyyatına 9,211 milyon ABŞ dolları investisiya yatırıb ki, bu da 2024-cü ilin eyni dövründəki göstərici ilə müqayisədə 960 min ABŞ dolları və ya 9,4% azdır. Hesabat dövründə birbaşa xarici investisiyaların ümumi həcmində Fransaya həyata keçirilən Azərbaycan investisiyalarının xüsusi çəkisi 2,9% təşkil edib.