Azərbaycan, Bakı / Trend / Azərbaycan Dövlət Gömrük Komitəsindən verilən məlumata görə, yanvar-avqust ayları ərzində Azərbaycanın nəqliyyat vasitələri ilə 13,6 mln. ton yük daşınıb ki, bu da 2006-cı ilin analoji dövrü ilə müqayisədə 11% azdır. Bu dövr ərzində yüklərin ixracı 8 mln. ton təşkil edib, idxal isə 5,7 mln. tondan çox olub.
Yanvar-avqust aylvarı ərzində dəniz nəqliyyatı ilə 547,1 min ton, dəmir yolu ilə 2,2 mln. ton, avtomobillə 481,9 min ton, hava nəqliyyatı ilə 2,6 min ton, kəmər nəqliyyatı ilə isə, 4,6 mln. ton yük daşınıb, komitənin məlumatında belə deyilir.
Azərbaycan ərazisindən səkkiz ay ərzində, tranzit olaraq, 3,7 mln. ton yük daşınıb ki, bu da 2006-cı ilin yanvar-avqust ayları ilə müqayisədə 14% azdır. Yanvar-avqust ayları ərzində Azərbaycan ərazisi vasitəsilə İsveçrə və İtaliyaya 1 mln. ton, Gürcüstana 790, 4 min ton, Tacikistana 287,9 min ton, İrana 136,3 min ton, Rusiyaya 97,3 min ton, Türkiyəyə 162,8 min ton, Türkmənistana 90,6 min ton, Qazaxıstana 45,1 min ton yük daşınıb.