Azərbaycan, Bakı / Trend / Yanvar-avqust aylarında MDB dövlətlərindən idxal olunan malların dəyəri 1,16 mlrd. dollardan çox olub ki, bu da ölkənin ümumi idxalının 34.16 faizini təşkil edib. Bu barədə Dövlət Gömrük Komitəsindən məlumat verilib.
Azərbaycandan MDB ölkələrinə mal ixracının həcmi 745.7 mln. dollar dəyərində olub ki, bu da ümumi ixracın 18.68 faizini təşkil edib.
MDB dövlətlərinə, əsasən, qənd, qənnadı məmulatları, neft məhsulları, kimyəvi maddələr, bitki yağı, pambıq və tərəvəz ixrac olunub.
MDB dövlətlərindən Azərbaycana mədən yanacağı, dənli bitkilər, avadanlıq, mexaniki quraşdırmalar, qara metallurgiya məhsulları gətirilib.
