Azərbaycan, Bakı / Trend müxbir İ.Xəlilova / Azərbaycan Milli Bankı (AMB) Kommunal Ödənişlər Mərkəzinin işinin təsdiq olunması məqsədilə 10 pilot bank seçib. Bu barədə pilot banklardan birindən verilən məlumatda deyilir. Bu banklara Azərbaycan Beynlxalq Bankı, "Kapital Bank", "Azərdəmiryolbank", "Bank of Baku", "Ata Bank", "Rabitə Bank" və s. aiddir.
Mərkəz AMB-nin kiçik ödənişlər üzrə milli öldəniş sistemi (HONKS) vasitəsilə fəaliyyət göstərəcək banklara isə oktyabrın 20-nə qədər lazımi proqram təminatının, kompüter texnikasının tətbiqini başa çatdırmaq barədə göstəriş verilib. Milli Bank kommunal xidmətlərdən istifadə ilə əlaqədar olan ödənişlər üzrə məlumat bazasının yeni sisteminə keçidi noyabr ayından başlayaraq həyata keçirməyi planlaşdırır.
Bu məlumatlar digər kiçik ödənişlər ilə birlikdə HONKS-dan keçir, lakin ayrı bir mərkəzin yaradılması on-line rejimində vəsait köçürməyə və hesabat əldə etməyə, ayrı-ayrı banklarda sui-istifadə hallarının qarşısını almağa imkan verəcək.
HONKS sistemi vasitəsilə 2007-ci ilin 8 ayı ərzində 1324 mln. manat dəyərində 650 min əməliyyat həyata keçirilib. HONKS istifadəçilərinin sayı 382 nəfər təşkil edib.