Azərbaycan, Bakı/ Trend , müxbir Ü.İsmayılova/ Azərbaycanın iri sığorta şirkətlərindən biri olan "Atesgah" sığorta şirkəti yanvar-sentyabr ayları ərzində 12 mln. 846 min manat həcmində sığorta haqqı toplayıb. Bu məbləğin 12 mln. 792 manatı könüllü, 53 min 421 manatı isə, sığortanın icbari növlərinin payına düşür.
Həyat sığortasının payına 65 min 734 manat, Non-life sığortasının payına isə, 12 mln. 727 min manat düşür.
Bu dövr ərzində şirkətin sığorta ödənişləri 2 mln. 451 min manat təşkil edib ki, bu məbləğin 2 mln. 417 min manatı könüllü, 34, 5 min manatı isə, sığortanın icbari növlərinin payına düşür.
Şirkətin idarə heyətinin sədri İntiqam Hüseynovun əvvəllər verdiyi məlumata görə, Rusiya-Azərbaycan birgə sığorta şirkəti olan "Atesgah" ilin sonuna qədər yığımların 16 mln. manat olacağını proqnozlaşdırır.
Azərbaycanın Maliyyə Nazirliyinin məlumatına görə, ilin birinci yarısında "Atesgah" sığorta şirkətinin sığorta haqları 10, 84 mln. manat, sığorta ödənişləri isə 1,56 mln. manat təşkil edib.
