Azərbaycan, Bakı / Trend , müxbir S.Babayeva/ Azərbaycanda yaşlı təbəqənin ödəmələrini artırmağa imkan yaradacaq qeyri-hökumət pensiya fondlarına dair qanun layihəsinin hazırlanması başa çatıb. Bu barədə cümə günü Azərbaycan Dövlət Sosial Müdafiə Fondunun (DSMF) rəhbəri Səlim Müslimov məlumat verib.
Onun sözlərinə görə, gələcəkdə qanun layihəsi Parlamentdə müzakirə oluna bilər.
Müslimov hesab edir ki, Azərbaycanda bü tip fondların fəaliyyət göstərməsi üçün daxili maliyyə bazarlarını inkişaf etdirmək lazımdır ki, fondların gəlirliyi təmin olunsun.
DSMF-nın rəhbəri proqnozlaşdırır ki, əgər ölkədə qeyri-hökumət fondları fəaliyyət göstərərsə, onların öz sistemləri vasitəsilə pensiya verməyə başlaması üçün, ən azı, 10 il tələb olunacaq.
