Azərbaycan, Bakı / Trend , müxbir İ.Xəlilova/ / Cümə günü Azərbaycanın vergilər nazirinin müavini Natiq Əmirov parlamentin İqtisadi Əməkdaşlıq Komissiyasının iclasında Vergi Məcəlləsinə dəyişiklik və əlavələrin edilməsinə dair aparılan müzakirələr zamanı bildirib ki, 2008-ci ildə vergi nəzarətinin səmərəliliyinin artırılması məqsədilə, maliyyə sanksiyalarının həcminin iki dəfə artırılması nəzərdə tutulur.
Nazirin müvavinin sözlərinə görə, Vergi Məcəlləsininin "Vergiləri azaldılması və digər vergi pozuntularına görə maliyyə sanksiyaları" adlı 58-ci bəndində sanksiyaların 20-25% səviyyəsində göstərilmiş həcmi 50%-dək artırılacaq.
Verginin (o cümlədən, ödəmə mənbəyində verginin) hesabatda göstərilən məbləği verginin hesabatda göstərilməli olan məbləğinə nisbətən azaldılmışdırsa, habelə, büdcəyə çatası vergi məbləği hesabat təqdim etməməklə yayındırılmışdırsa, vergi ödəyicisinə azaldılmış və ya yayındırılmış vergi məbləğinin 25 faizi miqdarında maliyyə sanksiyası tətbiq edilir.
Bu Məcəllənin 65-ci maddəsi ilə müəyyən edilmiş qaydada, vergilər üzrə borcların və faizlərin, tətbiq edilmiş maliyyə sanksiyalarının dövlət büdcəsinə alınması üçün, banka və ya digər kredit təşkilatına sərəncamın verildiyi tarixdən, vergi ödəyicisi tərəfindən onun kassasından Azərbaycan Respublikasının Mülki Məcəlləsində nəzərdə tutulmuş hesabdan pul vəsaitinin silinməsi növbəliliyi pozulmaqla, nağd qaydada məxaric əməliyyatları aparıldıqda - aparılmış məxaric əməliyyatlarının 20 faizi miqdarında maliyyə sanksiyası tətbiq edilir.
Əmirovun sözlərinə görə, VM-ə dəyişikdliklərə, əmək müqavilələrinin bağlanmamasına görə cərimə də daxil edilib və hər qeydiyyata alınmamış işçiyə görə, min manat həcmində cərimə tətbiq olunub. "Bu aktual mövzudur, belə ki, bu, vergi yığımlarına və işçilərin hüquqlarının müdafiəsinə təsir göstərən faktorlardan biridir" - deyə nazir müavini bildirib.
