Azərbaycan, Bakı / Trend ,müxbir İ.Xəlilova/ Azərbaycan Dövlət Neft Fondu (ARDNF) ilin sonuna qədər Bakı-Tbilisi-Qars dəmir yolunun Gürcüstan hissəsinin tikintisinin maliyyələşdirilməsi üçün 30 mln. manat vəsait ayıracaq. Bu barədə cümə axşamı keçirilən mətbuat konfransında ARDNF-nın icraçı direktoru Şahmar Mövsümov məlumat verib.
Onun sözlərinə görə, tikintiyə vəsait tələbatdan asılı olaraq ayrılacaq. Gürcüstan sahəsində tikinti işləri üçün ARDNF -dan 200 min. manat ayrılıb.
Mövsümovun sözlərin görə, gələn il bu məqsədlə manat ekvivalenti ilə 120 mln. dollar ayrılması planlaşdırılır.
Azərbaycan prezidentinin sərəncamına əsasən, Bakı-Tbilisi-Qars dəmir yolunun Gürcüstan hissəsinin tikintisinin maliyyələşdirilməsi üçün Dövlət Fondundan 220 mln. manat ayrılıb.
Hökumətin bank agenti qismində Azərbaycan Beynəlxalq Bankının Tbilisidəki filialı - ABB Gürcüstan çıxış edir.