Azərbaycan, Bakı / Trend , müxbir Q. Huseynov/ Azərbaycan iqtisadiyyatına qoyulan türk investisiyalarının ümumi həcmi təqribən 3 mlrd. dollar təşkil edir, - çərşənbə günü Bakıda Türkiyənin Ticarət- Sənaye Palatasının rəhbəri Rüfat Hisarçıklıoğlu deyib.
Hisarçıklıoğlu Türk- Azərbaycan biznes- forumunda bildirib ki, yalnız böyük layihələrə qoyulan türk investisiyaları 2.5 mlrd. dollar təşkil edib.
O, xatırladıb ki, avqust ayından Türkiyə Azərbaycana viza rejimini ləğv edib və eyni addımı Ankara Bakıdan gözləyir. Hisarçıklıoğlu, türk tranzit daşıyıcılarından gömrük vergisinin tutulması sisteminin nizamlanmasının vacibliyini qeyd edib.
"Bu, ölkələr arası ticarət dövriyyəsinin çoxalmasına və Böyük İpək yolunun Türkiyə və Azərbaycanın hesabına canlanmasına gətirib çıxaracaq", - palata rəhbəri əlavə edib.
