Azərbaycan, Bakı / Trend , müxbir İ.Xəlilova/ Neft və qazın qiymətlərinin yüksək olması nəticəsində MDB ölkələri və Monqolustanın iqtisadiyyatının artımı 2007-ci il üçün 7,8 faiz, 2008-ci il üçün isə 7 faiz səviyyəsində proqnozlaşdırılır. Bu barədə AYİB-in cümə axşamı açıqlanmış keçid dövrü üzrə hesabatında deyilir. 2006-cı ildə həmin göstərici 7,5 faiz səviyyəsində idi.
Cari ildə Rusiyada 7,2 faizlik artım müşahidə ediləcək, 2008-ci ildə isə o, 6,5 faizədək ixtisar olunacaq (2006-cı ildə ildə 6,1 faiz idi). Ukraynada həmin göstəricilər müvafq surətdə 6,8 və 6 faiz həcmində gözlənilir. Bölgə üzrə ən sürətli artım Azərbaycanda gözlənilir, yəni rekord səviyyə bu il 30 faizə çatacaq, qarşıdakı il isə 25 faizlik səviyyədə saxlanılacaq.
Avropa Bankı inflyasiyanın orta səviyyəsinin artım templərinin sabitləşəcəyini proqnozlaşdırır. Lakin Azərbaycanda inflyasiya 2006-cı ildəki 8,6 faiz səviyyəsidən builki 16 faiz səviyyəsinə qədər artacaq. Hesabatda deyilir ki, inflyasiyanın səviyyəsi Rusiyada və Ukraynada makroiqtisadi perspektivlərin əsas problemlərindən olaraq qalır.
