Azərbaycan, Bakı / Trend , müxbir Ü.İsmayılova/ Cümə günü "Daşınmaz əmlak bazarının iştirakçıları" İctimai Birliyindən verilən məlumata görə, oktyabr ayında ən bahalı torpaq sahəsi Bakının Nəsimi rayonunda, bir sotu 350 min dollara satılıb, ən ucuz torpaq sahəsinin bir sotu isə, Bakının Qaradağ rayonunda, 360 dollara satılıb.
Oktyabr ayında bir sot torpaq sahəsinin orta qiyməti sentyabr ayındakı 22152 dollar göstərici ilə müqayisədə 3,4% arataraq, 22904 dollar təşkil edib.
Bakının beş rayonunun (Nəsimi, Nərimanov, Yasamal, Sabunçu, Suraxanı) qiymətlərində xeyli dəyişiklik baş verib, digər rayonlarda isə, nisbi sabitlik müşahidə olunub.
Sentyabr ayında bazara çıxarılan 623 hektar torpaq sahəsinin 63%-i boş torpaq sahələri, qalanı isə, qeyri-yaşayış sahələri və köhnə tikintilərin olduğu sahələr olub.
Aşağıdakı ümumi cədvəl Bakıda şəhərin zonaları üzrə torpaq sahələrinin qiymətlərində baş verən dəyişiklikləri göstərir:
Şəhərin zonası | Bir sotun qiyməti | Qiymətlərdə baş verən orta dəyişiklik (faizlə) |
I | 223260 | 0,5 |
II | 123351 | 4,2 |
III | 36072 | 5,4 |
IV | 3825 | 6,2 |