...

Müşahidə Şurası Azərbaycanda yaradılacaq kənd təsərrüfatı bankının strateji inkişaf planını təsdiqləyəcək

Biznes və iqtisadiyyat xəbərləri Materials 1 Dekabr 2007 12:08 (UTC +04:00)

Azərbaycan, Bakı/ Trend , müxbir İ.Xəlilova/ "Aqrar - kredit" qeyri - bank kredit təşkilatının Müşahidə Şurasının iclası növbəti həftəyə təxirə salınıb. İclasda, təşkilatın kənd təsərrüfatı bankına çevrilməsindən sonrakı 5 il üçün fəaliyyətini əhatə edəcək strateji inkişaf planının təsdiq olunması gözlənilir. Bu barədə "Aqrar - kredit" - dən məlumat veriblər. Plana əsasən, 5 il müddətində yaradılacaq bankın kredit portfelini 98 mln. manata çatdırmaq planlaşdırılır. "Aqrar - kredit" - in kredit yatırımları 15 mln. manat səviyyəsində həyata keçirilib. "Aqrar - kredit" tam bank lisenziyası aldıqdan sonra, əmanətlərin qəbul olunmasına qoyulan məhdudiyyət üzərindən götürüləcək və strategiyada bankın depozit portfelinin 70 mln. manata çadırılması proqnozlaşdırılır. Bankın filial şəbəkəsi 12 - dən 25 -dək artırılacaq. Strateji plandan əlavə, Beynəlxalq Kənd Təsərrüfatının İnkişafı Fondunun (IFAD) "Azərbaycanın şimal - şərq rayonlarının inkişafı" layihəsinin agenti kimi seçilən "Aqrar - kredit" də kreditlərin verilməsi qaydaları, mükafat sistemində dəyişiklərlı bağlı məsələlər Müşahidə Şurasının müzakirəsinə çıxarılacaq. Kredit təşkilatı layihəsindən 500 min dollar ayrılması planlaşdırır. Bu vəsait hesabına "Aqrar - kredit" Xızı, Siyəzən, Dəvəçi və Abşeron rayonlarında kreditlər verə bilər. Layihənin ümumi dəyəri 25.148 mln. dollardır və bunun 4.8 mln. dolları kredit komponenti kimi ayrılıb. "Aqrar - kredit" - in əsas səhmdarı Azərbaycan Maliyyə Nazirliyidir və kredit təşkilatının səhmlərinin 99.9 faizi ona məxsusdur. Qalan hissə isə, Dövlət Sığorta Şirkəti "Azərsığorta" və "Meliorasiya və su təsərrüfatı" ASC arasında bərabər bölünüb.

Xəbər lenti

Xəbər lenti