Azərbaycan, Bakı / Trend , müxbir İ.Xəlilova/ Azərbaycanın Maliyyə Nazirliyi sığorta sahəsində qanunvericiliyin təkmilləşdirilməsinə dair texniki yardımın alınması üçün Dünya Bankı (DB) ilə danışıqlar aparır. Bu barədə maliyyə nazirinin müavini Azər Bayramov məlumat verib.
Yardım DB-nın ölkənin maliyyə sisteminin müxtəlif sahələrinə maliyyə və texniki yardımı nəzərdə tutan "Azərbaycanın maliyyə sektorunun modernləşdirilməsi" layihəsi çərçivəsidə göstərilə bilər.
Bayramovun sözlərinə görə, "Sığort haqqında" qanun layihəsi artıq Parlamentdə müzakirəyə çıxarılmaq üzrədir və ilin sonunadək onun qəbul olunması gözlənilir, lakin "Sığortanın vacib növləri haqqında" qanun layihəsi hazırlanma mərhələsindədir. Bundan əlavə, qanun layihələrinin qəbulundan sonra, onların icrası üçün normativ aktların qəbul olunması tələb olunur.
"Sığorta haqqında" qanun layihəsində diqqət çəkən məqam ölkənin sığorta fəaliyyətinə müddətsiz lizenziyalaşmanın tətbiq edilməsidir. "Maliyyə Nazirliyi bu təklifi dəstəkləməyi davam etdirir. Qanun qəbul olunarsa, ölkədə fəaliyyət göstərən sığorta şirkətləri, fəaliyyət üzrə lisenziya müddətləri başa çatdıqdan sonra müddətsiz icazə alacaqlar" - deyə nazir müavini bildirib.
ölkədə fəaliyyət göstərən bütün sığorta şirkətlərinin ümumi kapital həcminə xarici kapital payına məhdudiyyətin tətbiq ediliməsi vasitəsilə, xarici kapitalın Azərbaycanın sığorta bazarında iştirakının qismən liberallaşdırılması planlaşdırılır.
Bu məhdudiyyət bazarın 49 faizi civarında olacaq, belə ki, mövcud qanunvericiliyə görə, bu limit hər bir şirkətin kapital payına münasibətdə tətbiq edilib.
Bu, hazırda aparıcı sığorta şirkətlərinin ölkəyə keçidinin qarşısını alan əsas amillərdən biridir. Belə ki, bir çox aparıcı sığorta şirkətləri Azərbaycan bazarına mojaritar səhmdar kimi daxil olmaq istəyir.
Xarici kapitalın Azərbaycanın sığorta bazarında ümumi kapital həcmi ilə iştirak payı ümumilikdə 8,5 faiz təşkil edir.
Ölkədə 29 sığorta şirkəti fəaliyyət göstərir. Onlardan doqquzunda xarici kapitalın iştirakı mövcuddur. Bütün sığrta şirkətlərinin yarım illik yekun üzrə ümumi kapitalı 52,732 mln. manat təşkil edib.
