Azərbaycan, Bakı / Trend , müxbir İ.Xəlilova / Azərbaycanın Dövlət Əmlakının İdarə Edilməsi üzrə Dövlət Komitəsindən verilən məlumata görə, Komitə "Yeni BEMZ" ASC-nin səhmlərinin 98,45%-ni investisiya müsabiqəsinə çıxarıb. İşçi kollektivə səhmlərin 1,55%-i verilib, güzəştli satışdan əldə qalan 13,45% isə, müsabiqə vasitəsilə reallaşacaq. Müsabiqə təkliflərinin qiymətləndirilməsi 2008-ci il yanvarın 7-də baş tutacaq, namizədlər özəlləşdirmə planı ilə yanvarın 4-dək tanış ola və iştirak barədə ərizə təqdim edə bilərlər.
Təkliflər paketinə, müsasir standartlara uyğun olaraq, elektrik mühərriklərinin və xalq istehlakı malları istehsalının təşkili üzrə tədbirlər nəzərdə tutan investisiya proqramı daxil olmalıdır. Təkliflərə dövlət büdcəsinə 800 min manat vəsaitin daxil edilməsi və ödəniş kimi Komitəyə 35 min özəlləşdirmə çekinin verilməsi də daxil olmalıdır. Niyyətləritnin ciddi olmasını təsdiq etmək üçün namizədlər istənilən bankdan 250 min manat məbləğində təminat məktubu almalıdırlar.
2007-ci il noyabrın 1-nə olan məlumata görə, "Yeri BEMZ"nin Nizamnamə kapitalı 3,196 mln. manat təşkil edir. Müəssisə istismara 1947-ci ildə verilib və heyəti 560 nəfər səviyyəsində formalaşdırılıb. SC-nin öhdəlikləri 1,7 mln. manat, əmək haqqı və ona bərabər borclara görə öhdəliklərisə, 0,186 mln. manat təşkil edir. Müəssisənin debitor borcu 0,896 mln. manat dır.