Azərbaycan, Bakı, / Trend , müxbir İ.Xəlilova / Azərbaycanın Nəqliyyat nazirliyinin nəqliyyat siyasəti və iqtisadiyyat şöbəsinin direktoru Sədrəddin Məmmədovun çərşənbə günü verdiyi məlumata görə, Azərbaycan Nyu-Yorkda Avrasiya regionu üçün böyük əhəmiyyətli iki iri layihənin təqdimatını keçirəcək, bunlara Ələtdə yeni beynəlxalq ticarət limanının və "Bakı-Tbilisi-Qars" dəmir yolunun tikintisi daxildir.
Təqdimat dekabrın 12-13-də ABŞ-da "Birlikdə dünyanı daha məhsuldar məkana çevirək" şüarı ilə keçiriləcək 1-ci Qlobal İnfrastruktur Forumu çərçivəsində baş tutacaq. Məmmədovun sözlərinə görə, təbdirin təşkilatçıları Azərbaycanın Forumda bu infrastruktur layihələri təqdim etməsində maraqlıdırlar.
Azəbaycanı Forumda Məmmədov təmsil edəcək.
"Regional əhəmiyyət daşıdığından, bu layihələrə bütün dünyada böyük diqqət var və Azərbaycanın siyasi və iqtisadi qüdrətini təsdiq edir. Təqdimatlar ölkəyə xarici investorları cəlb etməyə də imkan verəcək" - deyə Məmmədov bildirib.
İlkin araşdırmalara görə, limanın tikintisi 400 mln. dollardan çox qiymətləndirilir. İşlərin layihələndirilməsini sentyabr ayında layihənin təqdimatını keçirən Cənubi Koreyanın "JS Engineering & Construction" şirkəti həyata keçirir.
Dəmir yol magistralının 105 kilometrlik yeni qolunun tikintisini nəzərdə tutan "Bakı-Tbilisi-Qars" layihəsi 422 mln. dollar məbləğində, müşayiətçi infrastruktur isə, 600 mln. dollar dəyərində qiymətləndirilir.
