Azərbaycan, Bakı / Trend müxbir U.İsmaylova/ Azərbaycanda 11 ay ərzində buğda istehsalı 4 faiz aşağı düşüb. Buna səbəb əkin sahələrinin 45 min hektar azalması olub. Bu barədə cümə günü Azərbaycan Dövlət Statistika Komitəsinin rəhbəri Arif Vəliyev məlumat verib.
Azərbaycanda yanvar-noyabrda kənd təsərrüfatı məhsulları istehsalı 4,5 faiz artıb.
Vəliyevin sözlərinə görə, 11 ay ərzində 1 mln. tondan çox kartof istehsal olunub. Bu, 2006-cı ilin analoji dövr göstəricisindən 8 faiz çoxdur. Tərəvəz istehsalı 1,2 mln. ton, bostan bitkiləri istehsalı isə 416 min ton təşkil edib.