Azərbaycan, Bakı / Trend / Dövlət Gömrük Komitəsindən verilən məlumata görə, yanvar-noyabr ayları ərzində Azərbaycanın nəqliyyat vasitələri ilə 18,4 mln. ton yük daşınıb və bu göstərici 2006-cı ilin analoji dövr göstərcisindən 17,1% azdır. Bu dövr ərzində yük ixracı 10,5 mln. ton, idxlalı isə 8 mln. ton təşkil edib.
Komitənin məlumatında bildirilir ki, yanvar-noyabr aylarında dəniz nəqliyyatı ilə 713,1 min ton, dəmir yolu ilə 3,3 mln. ton, avtomobillə 664,5 min ton, hava nəqliyyatı ilə 3,4 min ton, kəmərlərlə ilə isə 5,8 mln. ton yük daşınıb. 11 ay ərzində Azərbaycan ərazisindən tranzit yolla 5,3 mln. ton yük daşınb ki, bu da 2006-cı ilin eyni dövrü ilə müqayisədə 12% azdır.
Azərbaycan ərazisindən keçməklə İsveçrə və İtaliyaya 1,6 mln. tondan çox, Gürcüstana 1 mln. tondan çox, Tacikistana 391,5 min ton, İrana 176 min ton, Rusiyaya 135 min ton, Türkiyəyə 213 min ton, Türkmənistana 127 min ton, Qazaxıstana 86,3 min ton yük daşınıb.
