Azərbaycan, Bakı / Trend , müxbir Ü.İsmayılova/ Azərbaycan prezidenti İlham Əliyev 2008-2012-ci illər üzrə rəsmi statistikanın təkmilləşdirilməsi proqramının təsdiqlənməsinə dair sərəncam imzalayıb. Bu barədə rəsmi mətbuatın məlumatında bildirilir.
Dövlət Proqramının reallaşdırılması Dövlət Statisitika Komitəsinə həvalə olunub. Komitə ildə bir dəfə ölkə prezidenti və Nazirlər Kabinetini Dövlət Proqramının gedişatı barədə məlumatlandırmalıdır.
Azərbaycanın Maliyyə Nazirliyinə dövlət büdcəsinin layihəsinin hazırlanması zamanı Dövlət Proqramında nəzərdə tutulan tədbirlərin həyata keçirilməsi üçün tələb olunan vəsaitləri ayırmaq tapşırılıb.