Azərbaycan, Bakı, 17 yanvar/ " müxbir A.Bədəlova/ ABŞ iqtisadiyyatının inkişaf templəri investorlarda getdikcə daha çox qorxu yaradır. İri maliyyə şirkətlərinin təskinlik verməyən çoxsaylı maliyyə hesabatları ABŞ iqtisadiyyatının resessiyasının qaçılmaz olduğunu düşünməyə əsas verir. ABŞ-ın ən iri investisiya bankı Goldman Sachs tənəzzülün bu il başlayacağını gözləyir.
Amerika resessiyasının ehtimalı neftin qiymətinin düşməsinin səbəblərindən biridir. Ekspertlərin fikrincə, ABŞ-da enmə prosesi, son onillikdə ən dərin və Asiya ölkələrinin iqtisadi inkişafına mənfi təsir edən ola bilər.
Cümə axşamı Britaniyanın iqtisadi araşdırmalar üzrə konsaltinq şirkəti "Capital Economics Ltd"nin ABŞ üzrə aparıcı iqtisadçısı Pol Eşuorts (Paul Ashworth) bildirib ki, resenssiya, Asiya ölkələrindən ABŞ-a mal idxalına mənfi təsir göstərə bilər.
"Resenssiya Asiyadan mal idxalına təsir göstərəcək", - o deyib. Eşuorts ABŞ iqtisadiyyatının 2008-ci ildə 50 faiz düşmə riskini qiymətləndirib.
ABŞ Asiyadan toxuma mallar, paltar, ayaqqabı, oyuncaq, məişət - elektrik cihazları və turist çantaları alır.
ABŞ-ın Federal Ehtiyat Sistemi (FES) iqtisadiyyatın çətin vəziyyətdə olduğunu təstiq edib. RBK "Reuters"ə istinadən yazıb ki, FES-in başcısı Ben Bernankenin yanvarın 10-da verdiyi bəyanata görə, ABŞ-ın FES-i satılma böhranının qarşısını almaq üçün uçot dərəcəsinin azaldılmasını davam edə bilər.
Komitənin FES-in açıq bazarlarına həsr edilən iclası yanvarın 29-30-da keçiriləcək. Bəzi ekspertlər Komitənin uçot dərəcəsinin 0,5 faizdən 3,75 faizə endirmək qərarını qəbul edəcəyini gözləyirlər. ABŞ-ın FES-i Amerika iqtisadiyyatının resenssiyası təhlükəsi zəminində artıq üç dəfə hakim dərəcəsini aşağı salıb.
