Azərbaycan, Bakı, 19 yanvar / Trend , müxbir S.Babayeva/ 2007-ci ildə Azərbaycanda tikinti işlərinə 2445 mln. manat sərf olunub ki, bu da 2006-cı il ilə müqayisədə 49,6 faiz çoxdur. Bu barədə Dövlət Statistika Komitəsindən məlumat verilib.
Tikintinin ümumi həcmi üzrə dövlət müəssisələrinin payı 687,4 mln. manat, özəl müəssisələrin payı isə 1757,6 mln. manat təşkil edib.
Ümumi həcmdən 1845,6 mln. manat yeni tikililərə, 343,4 mln. manat əsaslı təmirə, 122,6 mln. manat hazırkı təmir işlərinə, 133,4 mln. manat isə digər işlərə sərf olunub.
Yanvar-noyabr aylarındə tikinti sahəsində işçilərin nominal orta aylıq əmək haqqı 385,3 manat təşkil edib ki, bu da 2006-cı ilin göstəricisindən 10,5 faiz çoxdur. İri və orta tikinti şirkətləri işçilərinin əmək haqqı isə 457,2 manat təşkil edib.
