Azərbaycan, Bakı, 22 yanvar / Trend , müxbir İ.Xəlilova / Çərşənbə axşamı Azərbaycan Prezidenti yanında Qiymətli Kağızlar üzrə Dövlət Komitəsinin sədri Gündüz Məmmədov Qiymətli Kağızlar Bazarında peşəkar iştirakçıların sayının 40-a çatdığını təsdiqləyib.
Hazırda Qiymətli Kağızlar emitentinin fəaliyyətinin fond bazarının peşəkar iştirakçılarından ayrılma prosesi gedir.Təqribən 2009-cu ilədək bir neçə Azərbaycan bankı fəaliyyətini Qiymətli Kağızlar Bazarının peşəkar əməkdaşı kimi davam etdirəcklər. Qanunvericiliyə əsasən, bütün dünyada olduğu kimi, banklar eyni zamanda həm Qiymətli Kağızlar emitenti, həm də peşəkar iştirakçı kimi fəaliyyət göstərə bilməzlər.
Broker və diler fəaliyyətini həyata keçirmək üçün lisenziyanın müddəti bitdikdən sonra, yeni icazə onların törəmə strukturları tərəfindən verilir. Bu günlərdə üç-dörd bank hələ də bu sahədə işləməyə davam edirlər.
Hazırda peşəkar iştirakçılar bazarında fəaliyyət göstərənlərin broker fəaliyyəti üçün - 14, dilerliyə - 15, qalanları - reyestr saxlanmasına, Fond Birjasına, MB idarəsinə lisenziya verilib.
Məmmədovun sözlərinə görə, QKDK ötən il peşəkar iştirakçıların fəaliyyətində 11 yoxlama həyata keçirib. 2006-cı ildə bu rəqəm 30 olub. Bunun nəticəsində, doqquz brokerə tələb irəli sürülüb. 2006-cı ildə oxşar hal dörd dəfə baş verib.
