Azərbaycan, Bakı, 02 fevral / Trend / 2007-ci ildə MDB ölkələrindən Azərbaycana 1,9 mlrd. dollar dəyərində mal idxal olunub ki, bu da ölkə üzrə ümumi idxalın 33,31 faizini təşkil edib. Bu barədə Dövlət Gömrük Komitəsindən məlumat verilib.
MDB-dən Azərbaycana mineral yanacaq, toxumlu bitkiləri, avadanlıq, mexaniki qurğular və qara metallurgiya məmulatları gətirilib.
Azərbaycanın MDB ölkələrinə mal ixracının həcmi 1,1 mlrd. dollar (Ümumi ixrac həcminin 18,20 faizi) təşkil edib.
MDB ölkələrinə əsasən şəkər, şəkərdən qənnadı məmulatları, neft məhsulları, kimya maddələri, heyvan və bitki yağları, pambıq, tərəvəz və meyvə ixrac olunub.
MDB ölkələri ilə idxal-ixrac əməliyyatları üzrə 798890,2 min dollarlıq mənfi qalıq yaranıb.
