Azərbaycan, Bakı, 12 fevral / Trend , müxbir İ.Xəlilova/ PALMALI şirkəti ölkədə bank açmaq üçün razılıq almaq məqsədi ilə Azərbaycan Milli Bankına rəsmi olaraq müraciət edib. Bu barədə Milli Bankın bank nəzarət məsələlərinə yaxın mənbədən bildiriblər.
Şirkət xarici kapitalın iştirakı ilə bank yaratmaq niyyətindədir. Milli Bankdakı mənbə PALMALI ilə tanderdə iştirak etmək istəyən xarici investorların adlarını açıqlamayıb.
Yaradılacaq bankın təsisçiləri hələ lisenziyalaşmanın birinci mərhələsini keçirlər. "Banklara dair" Qanuna müvafiq olaraq bu proses 180 gün təşkil edir. İkinci mərhələ 30 gün çəkəcək. Lakin Milli Banka təqdim olunan sənədlər hazır vəziyyətdə oluduğu halda, bank fəaliyyətinə razılığın verilməsi prosesinin daha qısa vaxt ərzində keçməsi istisna olunmur.
Ölkədə xarici kapitalın iştirakı ilə 21 bank fəaliyyət göstərir [Respublikda bu bankların sayının 46 olduğu təxmin edilir]. Onlardan altısında xarici kapitalın xüsusi çəkisi 50-dən 100 faizə qədər, 13 bank və iki xarici bank filialında isə 50-ə faizə qədər aralıqda formalaşıb.
PALMALİ şirkəti Aralıq, Baltik, Xəzər və Qara dəniz hövzələrində yük daşımalarını həyata keçirir. Bununla yanaşı, şirkət Rusiyanın daxili sularında yük daşımaları üzrə liderdir. Şirkətin donanması şəxsi və icarəyə götürülmüş gəmilərdən ibarətdir.
PALMALI əsasən neft məhsulları (benzin, qazoyl, vakumlu qazoyl, peç yanacağı, ağ neft), xam neft və qida və sənaye yağının nəql olunması üzrə ixtisaslaşıb. Bundan əlavə, şirkət quru yüklərin bütün növlərinin daşındığı şəxsi quru yük donanmasına da malikdir.
Müəlliflə əlaqə saxlamaq üçün elektron ünvan: [email protected]