Azərbaycan, Bakı, 18 fevral / Trend , müxbir İ.Xəlilova / Dünya Bankı magistral avtomobil yolları tikintisinin maliyyələşdirilməsi həcminin əvvəlcə bəyan edilən $200 mln.-dan $300 mln.-dək artırılması haqında qərar qəbul edib, - bazar ertəsi ölkənin Nəqliyyat Nazirliyindən deyiblər. Bu vəsaitlər Ələt-Masallı və Bakı - Şamaxı -Muğan avtomagistrallarının tikinti işlərinin başa çatdırılmasına və Sahil qəsəbəsindən Z.Tağıyev qəsəbəsinədək dairəvi yolun tikintisinə nəzərdə tutulub.
DB layihələrin qiymətləndirilməsini fevralda keçirmək niyyətindədir. Ələt-Masallı avtomagistral yolunun dəyişilməsi və genişlənməsi üzrə işlərin başa çatdırılmasının vəsait həcmi hələ müəyyənləşməyib, bunun nəticəsində onun uzunluğu 230 km-dən 200 km-dək qısaldılıb. Bakını respublikanın qərb rayonları ilə birləşdirən Bakı-Şamaxı-Muğan yolunun təmiri üçün vəsaitin həcmi də dəqiqləşməyib.
DB Direktorlar Şurasının qərarına əsasən, 2006-ci il yavarın 17-də bu layihəyə $200 mln. məbləğində birinci kredit ayrılıb. Kredit Beynəlxalq Yenidənqurma və İnkişaf Bankının şərtləri ilə 20 il müddətinə dörd il güzəşt dövründə və libor+0,5 faiz dərəcəsi ilə verilib. Lakin daha sonra bu kreditin $70 mln.-u digər yol layihəsinin maliyyələşməsinə yönəlib.
Ölkə hökuməti 10 il ərzində əsas tranzit magistral yollarının və ikinci kateqoriyalı yolların bərpasına və gücləndirilməsinə $1,5 mlrd. sərf etməyi planlaşdırır. Bu vəsaitdən $200-500 mln.-u AYİB, İİB, AİB və donorlar tərəfindən ayrıla bilər. Nəqliyyat sektorunun birgə maliyyələşməsindən asılı olaraq, DB öz yatırmalarını $550 mln. məbləğində qiymətləndirir. Hazırda bu məbləğdən $200 mln. ayrılmasına dair qərar qəbul edilib. Ötən danışıqlar zamanı bankirlər kənd, rayon əhəmiyyətli avtomobil yollarının, Zaqatala, Balakən rayonları ərazisindən keçən yolların maliyyələşdirilməsini təklif edibələr, lakin iştirakçıların müəyyən edilməsinə dair konkret qərar qəbul edilməyib. DB vəsaitlərinin cəlb edilə biləcəyi yenidənqurmanın yeni iştirakçıları arasında İsmayıllıdan Qaraməryəmə (Göyçay-Ağsu arasında), Mingəçevirdən İsmayıllıya avtomobil yolları daxildir.
Bu sektora bankın investisiyaları nəqliyyat sektorunun hərtərəfli analizindən sonra yatırılacaq. DB fiziki potensialın müasirləşdirilməsi və neft tranziti həcminin artması ilə əlaqədar, dəmir yolu şəbəkəsinin təhlükəsizliyini dəstəkləməyi də planlaşdırır.