Azərbaycan, Bakı, 29 fevral / Trend müxbir İ.Xəlilova / Beynəlxalq Valyuta Fondu (BVF) və Dünya Bankının (DB) texniki yardım proqramı (FSAP) çərçivəsində Azərbaycanın maliyyə sektorunun qiymətləndirilməsinin ikinci mərhələsi 2008-ci ilin axırı - 2009-cu ilin əvvəlindən tez başlamayacaq, - cümə günü DB-nin Bakı nümayəndəliyindən deyiblər.
Bunun üçün Azərbaycan hökuməti yaxın aylarda bu maliyyə institlutlarına rəsmi müraciət etməlidir. Azərbaycan tərəfinin bu qiymətə maraqlılığını nəzərə alaraq, hökumət müraciəti ləngitməyəcək. FSAP-ın ikinci qiymətləndirilməsinin aparılması məsələsinə bu yaxınlarda ölkənin maliyyə sektorunun təkmilləşdirilməsi layihəsi üzrə bank missiyasının Bakıya səfəri zamanı da toxunulub.
Ötən ilin aprelində 2003-cü ildə keçirilən birinci qiymətləndirmənin nəticələrini yoxlamaq üçün BVF-nin ekspertləri Azərbaycanda olublar.
"Onlar görülən tədbirləri yüksək qiymətləndiriblər, lakin bununla yanaşı, bir neçə istiqamətdə, xüsusilə Milli Bankın müstəqilliyinə dair gerilik qeyd olunub", - daha əvvəl AMB-nin idarə heyətinin sədr müavini Rüfət Aslanlı deyib.
Lakin ölkə parlamenti ötən ilin sonunda bu istiqamətdə "Milli Bank haqqında" Qanuna dəyişikliklər edib.
2003-cü ildə BVF və DB Azərbaycanda bank, sığorta və qiymətli kağızlar bazarlarının beynəlxalq standartlara uyğun olmasına dair qiymətləndirmə aparıblar. Lakin 2005-ci ilin əvvəlindən bank qanunvericiliyi yenilənib. Bu səbəbdən də qiymətləndirmənin nəticələri mahiyyətini itirib. Bu arada, ekspertlərin tövsiyələrini nəzərə almaqla, işlər davam edir. Aslanlı hesab edir ki, maliyyə sektorunun nizamlanması və makroiqtisadi sabitliyin təmin edilməsi funksiyalarını yerinə yetirən AMB-nin əməliyyat müstəqilliyi gündəlikdə durur. Azərbaycanın gəlirlərini və makroiqtisadi vəziyyətini nəzərə alaraq, bu məsələnin aktuallığını daha da artır.
Aslanlı hesab edir ki, "Banklar haqqında", "Milli Bank haqqında" Qanunların və çoxlu normativ aktların qəbul edilməsi, birinci dövrə üzrə FSAP qiymətləndirməsində olan məsələlərin götürülməsinə gətirib. Azərbaycanın maliyyə sektorunun qiymətləndirilməsi proqramı çərçivəsində, DB və BVF mütəxəssisələri stress-testlər (göstəricilərin aşağı düşməsində davranışın iqtisadi modelləşdirilməsi və simulyasiyası) keçiriblər. Bu testlər ölkə bank sisteminin ümumi göstəricilərin enməsi riskinə yüksək qarşıdurma qabiliyyətini aşkarlayıb. Onlar göstəriblər ki, göstəricilərin 50-70 faiz (ən pis hal) pislənməsində belə, bank sistemi kapitalın sıfır səviyyəsinə enməyəcək, onun aktivləri isə, öhdəliyi ötəcək. Bu da çox yaxşı göstəricidir, - AMBD-də hesab edirlər.
Müəlliflə əlaqə ünvanı: [email protected]