Azərbaycan, Bakı, 04 mart / Trend , müxbir İ.Xəlilova / Hökumətdən çərşənbə axşamı verilən xəbərə görə, martın 5-də Azərbaycan hökumətilə ikitərəfli əməkdaşlıq məsələlərinin inkişafı haqqında müzakirələr aparmaq üçün Türkmənistan Baş nazirinin müavinləri Xıdır Saparlıyev və Rəşid Meredov (O, həm də xarici işlər naziridir) Bakıya səfər edəcəklər.
Dövlətlərarası humanitar və iqtisadi əməkdaşlıq komissiyasının həmsədri Saparlıyev həmkarı -Baş nazirin birinci müavini Yaqub Əyyubovla komissiyanın yanvarın 17-də Aşqabadda imzalanmış protokulu çərçivəsində tədbirlərin həyata keçirilməsini müzakirə edəcək. İclasda ticarət, iqtisadi əməkdaşlıq, nəqliyyat, rabitə, neft və qaz, ətraf mühit və humanitar sahələr üzrə əlaqələrin inkişafı ilə bağlı qərarlar qəbul olunub. İnvestisiyaların qarşılıqlı müdafiəsi, dəmiryolu əlaqələri, dəniz və hava yolları üzrə dövlətlərarası razılıq məsələlərini yenidən işlənilməsi qərara alınıb. Bakı və Türkmənbaşi limanları arasında birbaşa bərə əlaqəsinin bərpası ilə əlaqədar qərar qəbul edilib.
Hər iki ölkənin mülki aviasiya xidməti Bakı-Aşqabad hava əlaqəsinin açılması, eləcə də İKAO sahəsində əməkdaşlıq və mülki aviasiyaya dair məsləhətləşmələr aparılmalıdır. Yük dolu dəmiryolu vaqonlarının geri qaytarılması istiqamətində də güzəştli qərarların qəbulu da planlaşdırılır.
XİN başçıları yeddi illik fasilədən sonra Türkmənistanın Bakıdakı səfirliyinin açılması məsələlərini müzakirə edəcəklər. Səfirliyin fəaliyyətinin bərpasıilə bağlı razılıq da komissiyanın islasında əldə olunub.
Türkmənistanın Azərbaycandakı səfirliyi 2001-ci ildə ölkələr arasında siyasi- iqtisadi münasibətlərin soyuduğu dövrlərdə geri çağırılıb.
İki ölkə arasında fikir ayrılığı, əsasən, Xəzərdəki mübahisəli yataqlar ("Kəpəz" ,türkmən tanskripsiyasında "Sərdar") və dəniz sərhədi xəttinin müəyyənləşdirilməsi , eləcə də, 90-cı illərin əvvəllərində Azərbaycanın Türkmənistana dövlət borclarına görə yaranmışdı.
Qarşılıqlı münasibətlər Qurbanqulu Berdıməhəmmədov Türkmənistan prezidenti seçiləndən sonra bərpa olunub. Keçən ilin noyabrında Azərbaycanın Xəzərin statusu məsələsi üzrə nümayəndəsi Xələf Xələfov ikitərəfli münasibətlərin inkişafı üçün ilk dəfə Aşqabada səfər edib.
Müəlliflə əlaqə ünvanı :[email protected]