Azərbaycan, Bakı, 11 mart/ " müxbir İ.Xəlilova/ Temasek Holdings dövlət investisiya korporasiyası Azərbaycan İnvestisiya Şirkəti (AİŞ) ilə birlikdə Azərbaycanın qeyri-neft sektorunda potensial layihələrdə iştirakda maraqlıdır. Bu barədə çərşənbə axşamı AİŞ -dən məlumat veriblər.
Əməkdaşlıq imkanlarının müzakirəsi üçün AİŞ prezidenti Anar Axundov Temasek Holdings-rəhbərliyinin dəvəti ilə $100 mlrd. investisiya portfelinə malik bu Korporasiyanın təsis olunduğu Sinqapurda olub. Xarici aktivlər $65 mlrd. təşkil edir. Temasek Holdings dünya maliyyə bazarlarına ən iri iştirakçıya çevrilib.
İqtisadi inkişaf nazirinin müavini Mikayıl Cabbarov "Azərbaycan İnvestisiya Şirkəti" SC-nin, investisiya yatırdığı layihələrdən çıxmasının dörd-beş il sonra mümkün olduğunu söyləyib.
Bu gün Azərbaycan İnvestisiya Şirkəti altı layihədə iştirak edir və bu layihələrə 55,2 mln. manat investisiya yatırmaq haqqında qərar qəbul edilib. İnvestisiya şirkətinin başlanğıc kapitalı Azərbaycan Dövlət Neft Fondunun vəsaitləri hesabına 90 mln. manat səviyyəsində formalaşdırılıb.
Azərbaycan İnvestisiya Şirkətinin investisiyalarının minimal həcmi 1 mln. manat səviyyəsində həyata keçirilə bilər. Maksimal hədd bir layihəyə və ya onunla törəmə struktura AİŞ kapitalının 20 faizi ölçüsündə müəyyən edilib. Bu gün bu hədd 18 mln. manat təşkil edir, lakin o, AİŞ-in kapitalının artması ilə əlaqədar dəyişəcək.
AİŞ kapitalından hər hansı bir sahəyə 35 faizədək investisiya yatırıla bilər (31,5 mln. manat). Lakin bununla yanaşı, Müşahidə Şurasının xüsusi qərarı ilə, bu bənd üzrə istisna edilə bilər və ona görə 35 faiz oriyentir hesab edilir. Təklif olunan layihələrin əhəmiyyəti və səmərəliliyi şərti ilə bu limitdən kənara çıxmaq mümkündür.
Məqalə müəllifinin ünvanı: [email protected]
